Isicwangciso se-LAIS sithathwe kwiSicwangciso seSizwe seMpumelelo yoMfundi (National Strategy for Learner Attainment) (NSLA) seSebe likaZwelonke leMfundo esiSiseko esenzelwe ukunceda amaphondo ukuba aphumeze utshintsho oluya kukhokelela kwiziphumo ezingcono zabafundi kwiNkqubo yeMfundo esiSiseko xa iyonke.

Iinkalo ezingundoqo ezichongwe yi-LAIS ziqinisekiswe ziziphumo zoHlolo lweSizwe loNyaka (Annual National Assessment) (ANA) zika-2013 no-2014.

Kuye kwaphuhliswa iintsika ezintlanu njengondoqo wezicwangciso zesebe ukuphumeza umsebenzi wokuncedisa izikolo nezizezi:

IiNtsika eziNtlanu ze-LAIS

• ISicwangciso sobuChule bokuFunda nokuBhala nobokuBala
• INkxaso yabaFundi beBanga le-12
• Ukujongana nezikolo ezingasebenzi ngempumelelo ze-GET nee-FET.
• Ukukhuthaza kunye nokuzinzisa ukusebenza kwezikolo.
• UKwenza ukuba ziSebenze iZikolo eziKhethekileyo.

Isizathu esingaphaya kweentsika ezintlanu kukubeka iliso, amahlolo nokujonga okuqhutywayo ukukhomba ezingxaki eziyingcambu kunye nokuzithathela ingqalelo.

Ukongeza, umsebenzi wokuphumeza isicwangciso esingentla neentsika zaso ngowokuphucula ngokuzinzileyo ukusebenza komfundi kunye nokuzinziswa kwenkqubo yezemfundo xa iyonke. Esi sicwangciso sicacise kananjalo ukuba zingaphunyezwa njani na iziphumo ezihle nawo onke amaqela achaphazelekayo akwezemfundo esebenza kunye.